PULLU HƏRRACLARIN KEÇİRİLMƏSİ DAVAM ETDİRİLƏCƏKDİR
İqtisadi İnkişaf Nazirliyi ötən il respublikamızda 52 pullu hərrac keçirmişdir. Nazirlikdən AZƏRTAC-a bildirmişlər ki, həmin hərraclarda 107 səhmdar cəmiyyətinin səhmləri və 23 səhmdar cəmiyyətinin qalıq səhmləri satılmışdır. İl ərzində səhmlərin satışından dövlət büdcəsinə 17,6 milyard manat vəsait köçürülmüşdür. Pullu hərraclarda səhmdar cəmiyyətlərinin 3,5 milyondan çox səhmi almışlar.
Ötən il 13 ixtisaslaşdırılmış çek hərracı keçirilmiş, bu hərraclarda 96 səhmdar cəmiyyətinin səhmləri satılmışdır.
Bu ilin ilk pullu hərracı yanvarın 7-də, ixtisaslaşdırılmış ilk çek hərracı isə yanvarın 8-12-də keçirilmişdir.
Bölmənin digər xəbərləri
