Pxenyanın nüvə-raket fəaliyyəti ABŞ-Cənubi Koreya müttəfiqliyinin prioritet məsələsidir
Pekin, 18 mart, AZƏRTAC
Koreya Xalq Demokratik Respublikasının (KXDR) nüvə-raket proqramı ABŞ və Cənubi Koreya müttəfiqliyinin prioritet məsələsidir.
AZƏRTAC xəbər verir ki, bu barədə Cənubi Koreyanın xarici işlər naziri Çunq Euy-yonq və müdafiə naziri Suh Vukun ABŞ-dan olan həmkarları Entoni Blinken və Loyd Austin ilə martın 18-də Seulda 2+2 formatında keçirilmiş görüşünün birgə bəyanatında qeyd olunub. Tərəflər bu istiqamətdə yüksək vəzifəli rəsmilər arasında məsləhətləşmələri davam etdirəcək və fəaliyyətlərini əlaqələndirəcəklər.
Seul və Vaşinqton BMT Təhlükəsizlik Şurasının qətnamələrinin tam icrasının vacibliyini vurğulayıblar.
Tərəflər onların ittifaqının Koreya yarımadasında və Hind-Sakit okean regionunda sülh, təhlükəsizlik və tərəqqiyə xidmət etdiyini vurğulayıblar.
ABŞ-ın dövlət katibi Entoni Blinken deyib ki, Prezident Co Bayden Vaşinqtonun Şimali Koreya siyasətinə yenidən baxılmasını başa çatdırmağı planlaşdırıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
