QADIN TAEKVONDOÇULARIMIZ KOREYADA TƏLİM-MƏŞQ TOPLANIŞINA BAŞLAMIŞLAR
Azərbaycan Taekvondo Federasiyasından AZƏRTAC-a bildirmişlər ki, qadınlardan ibarət taekvondo üzrə yığma komandamız Koreya Respublikasında təlim-məşq toplanışına başlamışdır.
Yığma komandamızın əsasını milliləşmiş koreyalılar - Canq Əliyeva və Ji Sun Hüseynova təşkil edir. Onlar yanvarın 26-27-də İstanbulda keçiriləcək və 2008-ci il Pekin Yay Olimpiya Oyunlarına lisenziya verəcək turnirdə iştirak edəcəklər.
Yanvar ayının 16-dan etibarən isə qadın taekvondoçularımız kişilərdən ibarət yığma komanda ilə birgə Bakıda məşqləri davam etdirəcək və bundan sonra Türkiyəyə yollanacaqlar.
Bölmənin digər xəbərləri
