Qadının evinə daxil olaraq mobil telefonunu quldurluq yolu ilə alan şəxs tutulub
Bakı, 17 mart, AZƏRTAC
Hövsan qəsəbəsi Bağlar yaşayış sahəsində yaşayan G.Mirzəyeva Suraxanı Rayon Polis İdarəsinin 30-cu polis şöbəsinə müraciət edərək martın 15-də evinin həyətinə girmiş bir nəfərin onu bıçaqla hədələyib 800 manat dəyərində mobil telefonunu aldığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Sabirabad rayon sakini, əvvəllər məhkum olunmuş İ.Cəbrayılov müəyyənləşdirilərək saxlanıb.
Faktla bağlı təhqiqat aparılır.
Bölmənin digər xəbərləri
