QALIBLƏR MÜKAFATLANDIRILIB
AFFA ilə Bakı Şəhər Gənclər və İdman Baş İdarəsinin birgə təşkil etdiyi məhəllələrarası futbol turnirinə yekun vurulub. AFFA-dan AZƏRTAC-a bildirmişlər ki, ötən ilin avqustundan start götürmüş yarışda ilk üç yerin sahibi məlum olub. Bunlar Qaradağ rayonunun «Araz», Nərimanov rayonunun «Olimpik» və Sabunçu rayonunun «Zenit» klublarıdır. AFFA-nın inzibati binasında yarışın başa çatması ilə bağlı mükafatlandırma mərasimi keçirilib. Bakı Şəhər Gənclər və İdman İdarəsinin rəisi Raqif Abbasovla AFFA-nın baş katibi Elxan Məmmədov turnirin əhəmiyyətindən danışaraq yarışın «Azərbaycan Respublikasında 2005-2015-ci illərdə futbolun inkişafına dair Dövlət Proqramı»nın tərkib hissəsi olduğunu bildiriblər.
Sonra qaliblərə müxtəlif hədiyyələr və diplomlar verilib.
Bölmənin digər xəbərləri
