“Qarabağ”a baxışa gələcək afrikalı futbolçuların adları bəlli olub
Bakı, 23 fevral, Aynur Əlixanlı, AZƏRTAC
“Qarabağ” Futbol Akademiyasına baxışa gələcək iki nigeriyalı futbolçunun adı bəlli olub.
Bu barədə AZƏRTAC-a akademiyanın meneceri Nail Kərimov məlumat verib.
O, hər iki oyunçunun 2008-ci il təvəllüdlü olduğunu bildirib: “Bunlar Onyema Fransis Çukvumoabim və Akinrefon Mikael Adetorodur. Biri hücumçu, digəri isə müdafiəçidir. Onların hansı tarixdə Azərbaycana gələcəyi bəlli deyil”.
Həmin oyunçular “Qarabağ” Futbol Akademiyasının baş koordinatoru Aftandil Hacıyev tərəfindən “Obasa Cup” turnirində kəşf edilib.
Bölmənin digər xəbərləri
