QASIRĞALARLA MÜŞAYİƏT OLUNAN YAĞMURLU HAVA ALMANİYAYA BÖYÜK ZİYAN VURMUŞDUR

16.01.2004 [11:55]
Çap et
A⁺ A^-

AZƏRTAC-ın xüsusi müxbiri xəbər verir ki, ötən ilin dekabrında və bu ilin yanvar ayının əvvəllərində bütün Almaniyaya hakim kəsilən şaxtalı günləri hazırda yağış, sulu qar və güclü küləklərlə müşayiət olunan yağmurlu hava əvəz etmişdir. Güclü yağış və sulu qar axını ölkənin cənub və qərb regionlarında iri çayları məcrasından çıxarmış, ətraf əraziləri, sahilə yaxın binaların zirzəmilərini və birinci mərtəbələrini su basmış, zəmilər, küçə və həyətlər su altında qalmışdır.

Mozel, Reyn, Dunay, Nekar və digər iri çaylarda naviqasiya üçün təhlükə yarandığından bu böyük su nəqliyyatı arteriyalarında gəmilərin hərəkəti müvəqqəti olaraq dayandırılmışdır.

Güclü külək axını Almaniyanın Şimal və Baltik dənizləri sahilindəki şəhərlərinə də böyük ziyan vurmuş, gəmi tərsanələrini böyük sınaq qarşısında qoymuşdur. Qasırğanın dənizdə qaldırdığı nəhəng dalğalar Bremen-Bremerhafen limanında inşası başa çatmış və açıq dənizə buraxılmağa hazır vəziyyətdə dayaqlar üzərində dayanmış 300 metr uzunluğundakı nəhəng gəmi-kreyseri yerindən oynadaraq, böyrü üstə sahilin dayazlıqlarına yıxmışdır. Gəminin göyərtəsində işləyənlərin həyatı xilas olunmuşdur. Mütəxəssislərin hesablamalarına görə, təbii fəlakətə düçar olmuş gəmi Almaniya gəmiqayıranlarına 300 milyon avroya başa gəlmişdir.

QASIRĞALARLA MÜŞAYİƏT OLUNAN YAĞMURLU HAVA ALMANİYAYA BÖYÜK ZİYAN VURMUŞDUR

MÜƏLLİFLƏ ƏLAQƏ

Bölmənin digər xəbərləri