QAXDA İSMAYIL DAĞISTANLININ BÜSTÜNÜN AÇILIŞI OLMUŞDUR
AZƏRTAC-ın müxbiri xəbər verir ki, mərasimdə tanınmış sənət ustasının həyat və yaradıcılığı barədə geniş məlumat verilmiş, onun vaxtilə yaratdığı obrazlar, tamaşalardan səhnələr həvəskar aktyorların ifasında tədbir iştirakçılarına təqdim olunmuşdur. Büstün üzərindəki ağ örtük götürüldükdən sonra abidənin önunə tər çiçəklər düzülmüşdür.
Açılış mərasimində Qax rayon icra hakimiyyətinin başçısı Abbas Göyüşöv və şəhər ictimaiyyətinin nümayəndələri iştirak etmişlər.
Həmyerliləri İsmayıl Dağıstanlının əziz xatirəsini həmişə ehtiramla yad edirlər. Qax şəhərindəki küçələrdən birinə və rayon Mədəniyyət evinin nəzdindəki Xalq teatrına görkəmli sənətkarın adı verilmişdir. Hazırda xatirə ev muzeyində tanınmış aktyorun həyat və yaradıcılığını əks etdirən altı yüzə yaxın eksponat nümayiş etdirilir.
