Qaydar Abdikerimov: Orta Dəhliz yeni İpək yolunun davamıdır və multimodal dəhlizdir
Bakı, 2 iyun, AZƏRTAC
Orta Dəhlizdə daşınan yüklər 3 dənizdən keçir. Böhran başlayan kimi bizə Avropanın Şərqindən və Qərbindən müxtəlif ölkələr müraciət etdi. Bizim marşrut daha da genişləndi.
AZƏRTAC xəbər verir ki, bunu “Transxəzər Beynəlxalq Nəqliyyat Marşrutu” Beynəlxalq Assosiasiyasının Baş katibi Qaydar Abdikerimov deyib.
Onun sözlərinə görə, hər kəs elə hesab edir ki, Orta Dəhliz Şimal Dəhlizinə rəqib olaraq yaradılıb, lakin bu, belə deyil. Orta Dəhliz 10 ildir yaradılıb. Bu səbəbdən Orta Dəhliz (Transxəzər Beynəlxalq Nəqliyyat Marşrutu) Şimal dəhlizinə rəqib deyil.
Baş katibi vurğulayıb ki, assosiasiya 6 ildir yaradılıb. “Orta Dəhliz yeni İpək yolunun davamıdır və multimodal dəhlizdir. Şimal dəhlizində yüklər əsasən dəmir yolu ilə daşınır. Lakin bizdə yükdaşımalar tamamilə fərqlənir. 2022-ci il Orta Dəhlizin əhəmiyyətini bir daha vurğuladı”, - deyə Baş katib vurğulayıb.
Bölmənin digər xəbərləri
