QAZAXISTANDAN DÜNYA AZƏRBAYCANLILARININ QURULTAYINDA 25 NƏFƏR İŞTİRAK EDƏCƏK

26.02.2006 [11:45]
Çap et
A⁺ A^-

AZƏRTAC-ın xüsusi müxbiri xəbər verir ki, son günlər Qazaxıstanın Almatı şəhərindəki “Turan” konqresində, Astanadakı “Xəzər” və vilayətlərdəki Azərbaycan mədəniyyət mərkəzlərində yığıncaqlar keçirilmiş, bu ilin martında Bakıda keçiriləcək Dünya Azərbaycanlılarının ikinci qurultayına nümayəndələr seçilmişdir.

“Turan” konqresinin sədri Əbülfəz Xamedov bildirmişdir ki, Qazaxıstandan qurultayda iştirak etmək üçün 25 nəfər seçilmişdir. Onların arasında ölkədə tanınmış mədəniyyət xadimləri, repressiya qurbanlarının ailə üzvləri, ziyalılar vardır. Tarixi Vətənimizdə Xaricdə Yaşayan Azərbaycanlılarla İş üzrə Dövlət Komitəsinin yaranması və bu qurumun sistemli iş aparması onu sübut edir ki, Azərbaycan dövləti dünyanın hər yerində yaşayan soydaşlarımızın bir araya gəlməsi üçün çox iş görür, onların qayğı və problemləri ilə maraqlanır. Biz də çalışırıq ki, Vətənimizin adını həmişə uca tutaq.

QAZAXISTANDAN DÜNYA AZƏRBAYCANLILARININ QURULTAYINDA 25 NƏFƏR İŞTİRAK EDƏCƏK

MÜƏLLİFLƏ ƏLAQƏ

Bölmənin digər xəbərləri