“Qəbələ” daha iki futbolçusu ilə müqaviləni yeniləyib
Bakı, 15 iyun, AZƏRTAC
“Qəbələ” klubu daha iki futbolçusu ilə müqaviləni yeniləyib.
AZƏRTAC kluba istinadla xəbər verir ki, Ülvi İsgəndərov və Kristof Atanqana növbəti iki mövsümdə də “qırmızı-qara” formanı geyinəcək. Onlarla müqavilələrin müddəti 2025-ci ilin yayınadək uzadılıb.
Ülvi İsgəndərov komandanın heyətində 114 oyun keçirib. Onun hesabında 19 qol var. K.Atanqana “qırmızı-qara” forma ilə 15 matça çıxıb.
Xatırladaq ki, “Qəbələ” bunadək daha dörd futbolçusu - İlkin Qırtımov, Urfan Abbasov, Murad Musayev və Emil Səfərovla anlaşmaları yeniləyib.
Bölmənin digər xəbərləri
