QƏBƏLƏDƏ TÜTÜNÇÜLÜK YENİDƏN İNKİŞAF ETDİRİLİR
“Azərbaycan Respublikası regionlarının sosial-iqtisadi inkişafı Dövlət Proqramına” uyğun olaraq, Qəbələdə tütünçülüyün yenidən inkişaf etdirilməsi məqsədi ilə tədbirlər planı hazırlanmışdır. “Qəbələ-Tütün” Açıq Səhmdar Cəmiyyəti bu sahənin dirçəldilməsi işində əhaliyə hər cür yardım göstərmək niyyətindədir.
AZƏRTAC-ın müxbiri xəbər verir ki, icra hakimiyyətində keçirilən müşavirədə bu il 270 ton məhsul istehsal etmək planlaşdırılmışdır. Əhalidən alınacaq məhsulun hər kiloqramına 2500-3000 manat ödənilməsi nəzərdə tutulub ki, bu da ötən ildəkindən 2,5- 3 dəfə artıqdır.
Hazırda nəzərdə tutulan 500 hektar sahədən 290 hektarına artıq şitil köçürülüb.
Bölmənin digər xəbərləri
