“Qəbələ”nin U-9 komandası Novruz turnirinin qalibi olub
Bakı, 26 mart, AZƏRTAC
“Qəbələ” idman klubunun təşkilatçılığı ilə keçirilən 9 yaşadək futbolçular arasında Novruz turnirinə yekun vurulub.
AZƏRTAC xəbər verir ki, Şamaxı Olimpiya İdman Kompleksində keçirilən yarışda 4 komanda dairəvi sistemlə mübarizə aparıb. İki gün davam edən turnirin qalibi adını “Qəbələ” futbolçuları qazanıblar. Anar Surxayevin baş məşqçisi olduğu komanda xal hesabında bütün rəqiblərini arxada qoyub.
“Sabah” ikinci, “Vətən” isə üçüncü yeri tutublar.
Xatırladaq ki, martın 22-23-də U-12-lər arasında Novruz turnirində də “Qəbələ” qalib adına yiyələnib.
Bölmənin digər xəbərləri
