QEYRİ-DÖVLƏT ALİ MƏKTƏBLƏRİNƏ QƏBUL QAYDALARI DƏYİŞƏCƏK
AZƏRTAC xəbər verir ki, bununla bağlı qanun layihəsi Milli Məclisin hüquq siyasəti və dövlət quruculuğu məsələləri daimi komissiyasının mayın 3-də keçirilən iclasında müzakirə edilmişdir.
İclasda bildirilmişdir ki, təklif olunan dəyişiklik təhsil sistemində aparılan islahatların bir hissəsidir. Qanunun ali və orta ixtisas məktəblərinə qəbulla bağlı 21-ci maddəsinə edilən dəyişiklikdə deyilir ki, dövlət və qeyri-dövlət təhsil müəssisələrinə tələbə qəbulu müvafiq icra hakimiyyəti orqanı tərəfindən müəyyən edilən qaydada həyata keçirilir. Digər dəyişiklikdə isə “Dövlət və qeyri-dövlət təhsil müəssisələrinə qəbul olunmaq üçün minimal keçid balının müvafiq icra hakimiyyəti orqanı tərəfindən müəyyənləşdirildiyi qeyd olunur”.
Əvvəlki variantda isə tələbə qəbulu qabaqcıl dünya təcrübəsinə əsaslanan “Qəbul qaydaları”na və onların nizamnaməsi, qeyri-dövlət ali məktəblərinə tələbə qəbulu isə onların nizamnamələri əsasında aparıldığı göstərilirdi.
Sonda qanun layihəsinin Milli Məclisin müzakirəsinə çıxarılması qərara alınmışdır.
Bölmənin digər xəbərləri
