QHT Agentliyinin Müşahidə Şurasının yeni tərkibi formalaşıb
Bakı, 30 dekabr, AZƏRTAC
2026-cı ilin əvvəlində QHT-lərə Dövlət Dəstəyi Agentliyinin yeni tərkibdə Müşahidə Şurasının ilk iclası keçiriləcək.
Bu barədə AZƏRTAC-a QHT-lərə Dövlət Dəstəyi Agentliyinin media məsələləri üzrə meneceri Ülviyyə Qarayeva açıqlama verib.
O bildirib ki, Müşahidə Şurasında təmsil olunan qurumlar artıq təmsilçilərini təqdim edib. Yeni tərkibin üzvləri aşağıdakı şəxslərdir:
Müşahidə Şurasının tərkibi
Şuranın 4 il müddətində yeni sədri seçəcəyini deyən Agentik təmsilçisi əlavə edib: “Bundan sonra Müşahidə Şurası daxili qərarlarla Agentliyin İdarə Heyətini və onun tərkibini formalaşdıracaq. Bildiyiniz kimi, artıq “icraçı direktor” vəzifəsi ləğv olundu. İdarə Heyəti 3 nəfərdən ibarət olacaq, bura sədr və onun 2 müavini daxildir. Agentlikdə yeni struktur formalaşdırılacaq”.
Müşahidə Şurası Agentliyə ümumi rəhbərliyi və nəzarəti həyata keçirir, ildə 2 dəfədən az olmayaraq, iclaslarını keçirməlidir.
Ü.Qarayeva onu da açıqlayıb ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyasında, Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasında da Agentliyi yeni nümayəndələr təmsil edəcək.
Bölmənin digər xəbərləri
