Qida sahəsində fəaliyyət göstərən sahibkarlıq subyektləri “Bakı KOB Evi”nə müraciət edə bilərlər
Bakı, 2 fevral, AZƏRTAC
Qida sahəsində fəaliyyət göstərən sahibkarlar Qida Təhlükəsizliyi Agentliyi tərəfindən biznes subyektlərinə göstərilən müxtəlif xidmətlərlə bağlı “Bakı KOB Evi”nə müraciət edə bilərlər.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, “Bakı KOB Evi”ndə sahibkarlara qida obyektlərinin qeydiyyatı və təsdiqi, qida obyekti olmadan fəaliyyət göstərən qida subyektlərinin qeydiyyatı və dövlət reyestrindən çıxarışın verilməsi xidməti göstərilir.
Bundan başqa sahibkarlar qeydiyyat və təsdiqin yenidən rəsmiləşdirilməsi, dayandırılması və ləğv edilməsi ilə bağlı da “Bakı KOB Evi”nə müraciət edə bilərlər.
Bölmənin digər xəbərləri
