Qırğızıstanda koronavirusa yoluxanların sayı 1845 nəfərdir
Bişkek, 2 iyun, АZƏRTAC
Qırğızıstanda COVID-19 koronavirusuna yoluxanların sayı 1845 nəfərə çatıb.
AZƏRTAC xəbər verir ki, bu haqda Qırğızıstanın Səhiyyə nazirinin müavini Norbolot Usenbayev Bişkekdə keçirdiyi brifinqdə məlumat verib. O deyib ki, indiyədək bu virusdan 1219 nəfər sağalıb, 17 xəstə ölüb.
Nazir müavini vurğulayıb ki, son sutka ərzində 2 həkim koronavirusa yoluxub. Pandemiya dövründə isə ölkədə 364 həkim və orta tibb işçisi koronavirusa tutulub, onların 254-ü sağalıb.
N.Usenbayev deyib ki, bu gün Minskdən 179 Qırğızıstan vətəndaşı Bişkekə gətirilib və karantinə yerləşdirilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
