Qlobal enerji bazarında hidrogenin payı 2040-2050-ci illərdə 10 faizə çata bilər
Bakı, 12 sentyabr, AZƏRTAC
Hazırda hidrogenin istifadəsi perspektivləri yüksək qiymətləndirilir. Lakin 2040-2050-ci illərdə o, hələ də qlobal enerji balansında təxminən 10 faiz yer tuta bilər.
AZƏRTAC xəbər verir ki, bunu Rusiyanın energetika nazirinin birinci müavini Pavel Sorokin Şərq İqtisadi Forumunda çıxışı zamanı deyib.
"Biz görürük ki, bütün ajiotajlara baxmayaraq, hidrogen gündəmi qorunub. Biz başa düşürük ki, 2040-2050-ci illərə qədər enerji balansında hidrogen xüsusi yer tutacaq”, - deyə o bildirib.
Onun sözlərinə görə, hidrogenin dünyada geniş şəkildə tətbiqi ilə bağlı bütün proqnozlar onun istehsalının maya dəyərinin aşağı salınmasına əsaslanır. Bu, öz növbəsində, bərpa olunan enerjinin daha ucuz istehsalı ilə bağlıdır.
Bölmənin digər xəbərləri
