Qubanın dağ kəndlərində temperatur mənfi 17 dərəcəyədək aşağı düşüb VİDEO
Quba, 8 dekabr, Elxan Yusifli, AZƏRTAC
Dekabrın 7-dən 8-nə keçən gecədən başlayaraq Azərbaycanın şimal bölgəsində hava şəraiti kəskin dəyişib. Gecə saatlarından başlayaraq bölgənin bütün yaşayış məntəqələrinə qar yağır.
Quba Regional Hidrometeorologiya Müəssisəsindən AZƏRTAC-a bildiriblər ki, qarın yağması ilə əlaqədar şimal bölgəsində temperatur mənfi 4-10 dərəcəyədək aşağı düşüb. Ən aşağı temperatur Qubanın Qırız və Xınalıq kəndlərində qeydə alınıb - mənfi 15-17 dərəcə.
Ən çox yağıntı Qubanın Təngəaltı ərazisində olub. Burada qarın hündürlüyü 20 santimetrə çatır. Xınalıq, Qırız kimi ucqar dağ kəndlərində 15-16 santimetrədək qar var.
Qarın hündürlüyü Qusarda 20, Xızının Altıağac qəsəbəsində 14, Xaçmazda 2 santimetr təşkil edir.
Hazırda şimal rayonlarına qar yağmaqda davam edir.
Bölmənin digər xəbərləri
