QURBAN QURBANOV “NEFTÇİ”NİN BAŞ MƏŞQÇİSİ OLDU
AZƏRTAC xəbər verir ki, Qurban Qurbanov XIV ölkə futbol çempionatının bürünc mükafatçısı “Neftçi” klubunun baş məşqçisi təyin olunmuşdur. Uzun müddət oyunçu kimi “Neftçi”nin şərəfini qorumuş, son zamanlar isə Bakının “İnter” klubunda idman direktoru vəzifəsində çalışan gənc məşqçi ilə üçillik müqavilə imzalanmışdır.
Bununla bağlı iyunun 6-da Beynəlxalq Mətbuat Mərkəzində kütləvi informasiya vasitələri üçün mətbuat konfransı keçirilmişdir. Klubun vitse-prezidenti Ramin Musayev gələn mövsümdə komandanın 70 illik yubileyi ilə əlaqədar yalnız qızıl medallar uğrunda mübarizə aparacaqlarını bildirmişdir.
Q.Qurbanov ona göstərilən etimadı doğrultmağa çalışacağına söz vermişdir.
Bölmənin digər xəbərləri
