RABİTƏÇİLƏR 20 YANVAR FACİƏSİNİN İLDÖNÜMÜNÜ QEYD EDƏCƏKLƏR

15.01.2004 [21:10]
Çap et
A⁺ A^-

Rabitə Nazirliyi 1990-cı il qanlı 20 Yanvar faciəsinin on dördüncü ildönümü ilə əlaqədar respublika Prezidenti İlham Əliyevin 9 yanvar 2004-cü il tarixli sərəncamından irəli gələn vəzifələri həyata keçirmək üçün tədbirlər planı hazırlamışdır.

Nazirlikdən AZƏRTAC-ın müxbirinə bildirmişlər ki, tədbirlər planına əsasən ildönümü ərəfəsində bütün rabitə müəssisələrində yığıncaqlar keçiriləcək, rabitəçilər şəhidlərin məzarı üzərinə əklillər qoyacaq və onların əziz xatirəsini bir daha yad edəcəklər. İldönümü günü rabitəçilər, həmçinin şəhid olmuş həmkarlarının ailələri ilə görüşüb, onlara maddi və mənəvi yardım göstərəcəklər. Eyni zamanda, şəhidlərə həsr edilmiş guşələr yeni eksponatlarla zənginləşdiriləcəkdir.

Faciənin 14-cü ildönümü ilə əlaqədar “20 Yanvar faciəsi və rabitəçilər” adlı kitab da nəşr olunmuşdur.