RAMİL ƏLİYEVİN YETİRMƏLƏRİ “TURAN” VƏ “QARABAĞ” KOMANDALARI İLƏ QARŞILAŞACAQDIR
Bakı, 5 avqust (AZƏRTAC). Mərkəzi Ordu İdman Klubunun (MOİK) futbol komandası 2009/10 mövsümünə hazırlığın ikinci mərhələsini davam etdirir. Hazırlıq prosesi çərçivəsində “hərbçilər”in keçirəcəyi daha iki yoxlama matçının tarixi müəyyənləşmişdir.
MOİK-in mətbuat xidmətindən bildirmişlər ki, Ramil Əliyevin yetirmələri avqustun 6-da “Şəfa” stadionunun dördüncü meydançasında Premyer Liqa təmsilçisi “Turan”la qarşılaşacaqdır. Oyun saat 17:30-da başlanacaqdır. Avqustun 8-də eyni saatda və eyni məkanda isə ordu klubu “Qarabağ”ın əvəzedicilərdən ibarət komandasını sınağa çəkəcəkdir.
Bölmənin digər xəbərləri
