Renyinq Li: Bakı dünyanın ən gözəl şəhərlərindən biridir
Bakı, 20 may, AZƏRTAC
Bakı ev sahibliyi etdiyi bu mötəbər tədbir vasitəsilə qlobal müstəvidə müasir şəhərsalma inkişafının mükəmməl bir modelinə çevrilə bilər. Mənim nəzərimdə Bakı dünyanın ən gözəl şəhərlərindən biridir və bu gözəlliyin gələcəkdə daha da artacağına dərindən inanıram.
Bu fikirləri AZƏRTAC-a açıqlamasında Ümumdünya Şəhərsalma Forumunun 13-cü sessiyasında (WUF13) iştirak edən "Bir kəmər, bir yol" Elm və Texnologiya Alyansının Baş katibinin müavini Renyinq Li deyib.
"Biz paytaxtın necə sürətlə inkişaf etdiyini və şəhər mühitinin necə dinamik şəkildə modernləşdiyini aydın görürük. Son günlər forum çərçivəsində nümayiş etdirilən layihələrlə, xüsusilə də Bakı şəhərinin 2040-cı ilə qədərki dövrü əhatə edən Baş Planı ilə yaxından tanış olduq. Düşünürəm ki, yaxın 15 ildən sonra Bakı nəinki Qafqaz, Xəzər və Mərkəzi Asiya regionunun, bütövlükdə dünyanın ən cəlbedici və gözəl meqapolislərindən birinə çevriləcək. Bura qlobal miqyasda böyük investorların, iş adamlarının və çoxsaylı turistlərin əsas mərkəzi olacaq", - deyə Renyinq Li bildirib.
Bölmənin digər xəbərləri
