Rəsmi Pekin Çin vaksini istifadə edən əcnəbilər üçün viza proseduranu yumşaldır
Pekin, 16 mart, AZƏRTAC
Rəsmi Pekin bir neçə ölkənin Çin istehsalı COVID-19 peyvəndi istifadə edən vətəndaşları üçün pandemiya səbəbindən sərtləşdirilən viza prosedurunu sadələşdirir.
AZƏRTAC xəbər verir ki, bu barədə Çin Kommunist Partiyasına aid “Global Times” qəzeti məlumat yayıb. Bildirilir ki, Türkiyə, Yaponiya, İsrail, Tailand və Pakistan daxil olmaqla bir neçə ölkənin Çin istehsalı COVID-19 vaksini ilə peyvənd olunan və bu barədə müvafiq arayışı olan vətəndaşları viza üçün Çin səfirliyinə müraciət edə bilərlər. İş, biznes, ailə üzvlərinin ziyarəti kimi səbəblərdən Çinə səfər etmək istəyənlər viza rəsmiləşdirilməsi üçün pandemiyadan əvvəlki qayda üzrə tələb olunan sənədləri təqdim etməlidirlər.
Çin hökuməti bu yumşalmalarla yanaşı, əcnəbilərin ölkəyə girişdən sonra 14 günlük məcburi karantinə cəlb olunması qaydasını hələ də qüvvədə saxlayır.
Qeyd edək ki, Çin tərəfinin ilkin mərhələdə ancaq Honkonqdan Çinə gəlmək istəyən və Çin peyvəndi vurulan əcnəbilər üçün viza prosedurunun sadələşdirildiyi açıqlamışdı. Çin hökuməti xaricdən ölkəyə virus axınının qarşısını almaq üçün ötən ilin martından etibarən viza prosedurunu sərtləşdirib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
