RESPUBLİKA ƏRAZİSİNDƏ 20 CİNAYƏT HADİSƏSİ QEYDƏ ALINMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, ötən gün respublika ərazisində qeydə alınmış 20 cinayət hadisəsindən 14-nün üstü isti izlərlə açılmış, müxtəlif cinayət əməllərinə görə 25 nəfər həbs olunmuşdur. Keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə təqsirli bilinərək barələrində axtarış elan olunmuş 9 şəxs tutularaq istintaq orqanlarına təhvil verilmişdir.
Gün ərzində qanunsuz saxlanılan silah-sursat və narkotiklərlə əlaqəli 10 fakt aşkarlanmışdır. Baş vermiş 8 yol-nəqliyyat hadisəsi nəticəsində 5 nəfər ölmüş, 18 adam yaralanmış, üç yanğın zamanı insan tələfatı olmamışdır.
Bölmənin digər xəbərləri
