Roberto Karlos 44 yaşında baba olub
Bakı, 13 oktyabr, AZƏRTAC
Futbol üzrə Braziliya yığmasının keçmiş müdafiəçisi Roberto Karlos baba olub.
AZƏRTAC xəbər verir ki, vaxtilə “Real”, “İnter” və “Anji” komandalarında çıxış etmiş 44 yaşlı keçmiş futbolçunun ikinci qızı Covannanın ilk övladı dünyaya gəlib. Körpənin adını Pedro qoyublar.
Roberto Karlos öz instaqram səhifəsində yazıb: “Nəvəm Pedronun doğulması münasibəti ilə qızımı təbrik edirəm. Hər ikisinə cansağlığı və Tanrının xeyir-duasını arzu edirəm”.
Xatırladaq ki, cəmi üç ay bundan əvvəl - bu il iyul ayında Karlosun ikinci xanımının qızı olub. Bu, Karlosun doqquzuncu övladıdır.
Bölmənin digər xəbərləri
