RUMINİYA İLƏ AZƏRBAYCAN ARASINDA ƏLAQƏLƏRBUNDAN SONRA DA İNTENSİV İNKİŞAF EDƏCƏKDİR
Nazirliyin mətbuat mərkəzindən AZƏRTAC-a bildirmişlər ki, Vilayət Quliyev səfiri yeni təyinatı münasibətilə təbrik edərək, Rumıniya ilə Azərbaycan arasında münasibətlərin ənənəvi dostluq xarakteri daşıdığını vurğulamışdır. Nazir, səfirin bu vəzifədə iki ölkə arasında münasibətlərin daha da möhkəmlənməsi və ikitərəfli əlaqələrin bütün sahələr üzrə intensiv inkişafı üçün diplomatik xidmət sahəsindəki təcrübəsindən istifadə edəcəyinə əmin olduğunu bildirmiş və ona yeni məsul vəzifədə uğurlar arzulamışdır.
Səfir Nikolay Üreke öz etimadnaməsinin surətini Vilayət Quliyevə təqdim etdikdən sonra, Bakıdakı diplomatik fəaliyyəti dövründə iki ölkə arasındakı dostluq münasibətlərinin və işgüzar əlaqələrin daha da möhkəmlənməsi və genişlənməsi üçün səylərini əsirgəməyəcəyini, bu istiqamətdə qarşılıqlı əməkdaşlığa ümidvar olduğunu bildirmişdir.
Bölmənin digər xəbərləri
