RUSİYA ƏRAZİSİNDƏ YAŞAYAN KEÇMİŞ SSRİ VƏTƏNDAŞLARININ RF VƏTƏNDAŞLIĞI ALMAQ QAYDALARI SADƏLƏŞDİRİLƏCƏK

01.12.2005 [20:21]
Çap et
A⁺ A^-

Rusiya uzun müddət öz ərazisində qanuni əsaslarla yaşayan keçmiş SSRİ vətəndaşlarının RF vətəndaşlığı almaları prosesini sadələşdirir. Bununla əlaqədar Prezident Vladimir Putin “Rusiya Federasiyasının vətəndaşlığı haqqında” Federal Qanunun 14-cü maddəsinə Rusiya vətəndaşlığı almaq prosedurunu sadələşdirən dəyişikliklər edilməsi haqqında” qanun layihəsini Dövlət Dumasının müzakirəsinə vermişdir.

AZƏRTAC-ın müxbiri Kremlin mətbuat xidmətinə istinadla xəbər verir ki, təklif edilən dəyişikliklər ilk növbədə uzun müddət qanuni əsaslarla Rusiya ərazisində yaşayan və bəzi səbəblərə görə vətəndaşlığı olmayan sabiq SSRİ vətəndaşlarına bu ölkədə güzəştli qaydada vətəndaşlıq almaq hüquqlarını reallaşdırmağa imkan yaradacaqdır.

“Rusiya Federasiyasının vətəndaşlığı haqqında” Qanuna yeni dəyişikliklərə görə, vaxtilə SSRİ-nin tərkibinə daxil olan dövlətlərdən 2002-ci il iyulun 1-dək Rusiyaya gəlib yaşayış yerində qeydiyyatdan keçənlər, yaxud RF-də müvəqqəti yaşamaq üçün icazəsi olanlar bu ölkənin vətəndaşlığına sadələşdirilmiş qaydada qəbul edilirlər.

RUSİYA ƏRAZİSİNDƏ YAŞAYAN KEÇMİŞ SSRİ VƏTƏNDAŞLARININ RF VƏTƏNDAŞLIĞI ALMAQ QAYDALARI SADƏLƏŞDİRİLƏCƏK

MÜƏLLİFLƏ ƏLAQƏ

Bölmənin digər xəbərləri