Rusiya “Şimal-Cənub” layihəsinin davam etdirilməsini gözləyir
Moskva, 12 mart, AZƏRTAC
Rusiya regiondakı mövcud çətinliklərə baxmayaraq, “Şimal-Cənub” beynəlxalq nəqliyyat dəhlizinin həyata keçirilməsinin davam etdirilməsini gözləyir.
AZƏRTAC xəbər verir ki, Rusiya Prezidentinin mətbuat katibi Dmitri Peskov jurnalistlərə Rusiya, İran və bir sıra digər regional dövlətlərin bu layihənin inkişafında maraqlı olduğunu bildirib.
O qeyd edib ki, Yaxın Şərqdəki münaqişə hazırda İranda bəzi layihələrin həyata keçirilməsinə müvəqqəti olaraq mane olur. “Aydındır ki, İranda onların həyata keçirilməsi hazırda mümkün deyil. Lakin Tehranın, bütöv bir regional dövlətlər qrupunun və əlbəttə ki, bizim maraqlarımıza gəldikdə, bu maraqlar qalır. Biz bu layihənin həyata keçirilməsinin və reallaşdırılmasının davam edəcəyini gözləyirik. Mühüm irəliləyişlər əldə edilib və çox yaxşı bəzi təməllər qoyulub”, - deyə Peskov qeyd edib.
Moskva
Bölmənin digər xəbərləri
