İQTİSADİYYAT
Rusiya şirkətinin nümayəndəsi: Biz Azərbaycan bazarı ilə uzunmüddətli tərəfdaşlıq münasibətləri qurmaq istəyirik VİDEO
Bakı, 1 iyun, AZƏRTAC
Biz neft-qaz kompleksləri üçün avadanlığın - müxtəlif texnologiyalı və müxtəlif növlü sərfiyyat ölçən sayğacların istehsalı ilə məşğuluq.
Bakı Enerji Həftəsi çərçivəsində 27-ci Beynəlxalq Xəzər Neft və Qaz Sərgisində iştirak edən “Kuybışev Telekom-Metrologiya Elm İstehsalat Müəssisəsi” şirkətinin xarici satış şöbəsinin rəhbəri Aleksey Tolkaçov bu sözləri AZƏRTAC-a müsahibəsində söyləyib.
O, şirkətin Bakıda keçirilən beynəlxalq sərgidə ilk dəfə iştirakını qeyd edərək deyib: “Biz Azərbaycan bazarı barədə daha çox öyrənmək, eləcə də etibarlı tərəfdaşlar taparaq, Azərbaycan bazarı ilə uzunmüddətli tərəfdaşlıq münasibətləri qurmaq istəyirik”.