Rusiya və Azərbaycan əməkdaşlığının möhkəmlənməsinin yeni nümunəsi
Moskva, 20 avqust, AZƏRTAC
Rusiya Hərbi Dəniz Donanması gəmilərinin Bakı limanına daxil olması Xəzərdə Rusiya ilə Azərbaycan əməkdaşlığının möhkəmlənməsinin nümunəsidir. Bu sözlər Rusiya Xarici İşlər Nazirliyinin məlumatında yer alıb.
Məlumatda deyilir: “Xəzər flotiliyasının “Volqodonsk”, “Mahaçqala” kiçik artilleriya və “Anatoli Qujvin” kiçik hidroqrafik gəmilərindən ibarət dəstə avqustun 13-16-da Bakı limanında olub. Gəmilər dəstəsinin komandanlığının Azərbaycan Hərbi Dəniz Qüvvələrinin rəhbərliyi və yerli hakimiyyət orqanlarının nümayəndələri ilə görüşləri keçirilib. Gəmilərdə diplomatik korpus və respublika ictimaiyyəti üçün tədbirlər təşkil olunub”.
Rusiya hərbi gəmilərinin Bakıya sırf dostluq şəraitində keçən səfəri Xəzərdə möhkəmlənməkdə olan Rusiya-Azərbaycan qarşılıqlı fəaliyyətinin yeni nümunəsidir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
