Rusiya Xəzər Donanmasının gəmiləri təlimə başlayıb
Moskva, 14 sentyabr, AZƏRTAC
Rusiya Federasiyası Xəzər Donanmasının gəmiləri təsərrüfat fəaliyyətinin və gəmiçilik obyektlərinin təhlükəsizliyinin təmin edilməsi ilə bağlı təlimə başlayıb.
AZƏRTAC xəbər verir ki, bu barədə Xəzər Donanmasının mətbuat xidmətindən bildirib.
Məlumata görə, gəmilər donanmanın komandanı kontr-admiral Oleq Zverevin rəhbərliyi ilə keçirilən komanda-qərargah təliminin praktiki hissəsində iştirak etmək üçün dənizə çıxıb.
Təlim zamanı Xəzər dənizində dəniz təsərrüfat fəaliyyətinin və gəmiçilik vasitələrinin təhlükəsizliyinin zəmanətli təmin edilməsi məqsədilə donanma qüvvələri qrupları tərəfindən müxtəlif tədbirlər həyata keçiriləcək.
Mətbuat xidməti qeyd edib ki, təlimin məqsədi qeyri-standart tapşırıqların həlli zamanı dənizdə güc qruplarının idarə edilməsi zamanı müasir və qabaqcıl silah və hərbi texnikadan istifadə etməklə birlik və hərbi hissələrin rəhbər heyətinin bacarıqlarının təkmilləşdirilməsidir.
Moskva
Bölmənin digər xəbərləri
