Rusiyada 80 minə yaxın “Lada” avtomobili geri çağırılıb
Bakı, 21 iyul, AZƏRTAC
“AvtoVAZ” Rusiyada 79,5 min avtomobili geri çağırıb.
AZƏRTAC xəbər verir ki, bu barədə Rusiyanın Texniki Tənzimləmə və Metrologiya üzrə Federal Agentliyi - Rosstandart məlumat yayıb.
Söhbət “Lada”nın 2022-2023-cü illərdə buraxılmış “Granta” modellərindən, həmçinin “Niva Legend” və “Niva Travel” yolsuzluq avtomobillərindən gedir.
Nəqliyyat vasitələrinin geri çağırılma səbəbi “ERA-GLONASS” fövqəladə xəbərdarlıq sistemi üçün idarəetmə blokunun olmamasıdır. Bütün avtomobillərdə “ERA-GLONASS” fövqəladə xəbərdarlıq sistemi idarəetmə bloku quraşdırılacaq.
Bölmənin digər xəbərləri
