Rusiyada Konstitusiyaya dəyişikliklərlə bağlı səsvermə təxirə salına bilər
Moskva, 23 mart, AZƏRTAC
Rusiyada Konstitusiyaya dəyişikliklərlə bağlı səsvermə təxirə salına bilər.
AZƏRTAC xəbər verir ki, “Vedomosti” qəzetinin yazdığına görə, Konstitusiyaya dəyişikliklərlə bağlı aprelin 22-ə təyin edilmiş ümumxalq səsverməsi koronavirus pandemiyası ilə əlaqədar iyuna keçirilə bilər. Bu barədə qəti qərarın martın 25-nə qədər elan olunacağı bildirilir.
Qeyd edək ki, Rusiya Prezidenti Vladimir Putin Mərkəzi Seçki Komissiyasının sədri Ella Pamfilova ilə görüşündə bildirmişdi ki, koronavirus ilə əlaqədar vəziyyət imkan verərsə, səsvermə müəyyən edilmiş vaxtda keçiriləcək. Prezident vurğulamışdı ki, vəziyyətdən asılı olaraq, müvafiq qərar qəbul edəcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
