RUSİYADA MÜSƏLMANLARIN SIXIŞDIRILMASI ABŞ DÖVLƏT DEPARTAMENTİNİN “UYDURMASIDIR”
AZƏRTAC “İnterfaks” agentliyinə istinadla xəbər verir ki, Rusiya XİN-in rəsmi nümayəndəsi Mixail Kamınin ABŞ Dövlət Departamentinin məruzəsində Rusiyada müsəlmanların sıxışdırılması barədə məlumatı “uydurma” hesab edir. O demişdir ki, Dövlət Departamentinin məruzəsində Rusiyada mövcud olan vicdan azadlığına qanunverici məhdudiyyətlər, ənənəvi və qeyri-ənənəvi konfessiyalar arasında fərq qoyulmasına dair fikirlər, müsəlmanların sıxışdırılması barədə uydurma, onların qəsdən ekstremist və terrorçu adlandırılması və s. haqqında bir sənəddən digərinə keçən əsassız standart iddialar təkrarlanır.
M.Kamınin demişdir: “Bəzi məqamlar tamamilə cəfəng xarakter daşıyır. Təkcə 2005-ci ilin oktyabrında Nalçikə hücuma məscidlərin kütləvi şəkildə bağlanmasının səbəb olması barədə iddianı göstərmək kifayətdir”.
Bölmənin digər xəbərləri
