RUSİYADAN QAZ İDXALI DAYANDIRILA BİLƏR
Azərbaycan Respublikası Dövlət Neft Şirkətindən AZƏRTAC-ın müxbirinə bildirmişlər ki, gələn il Rusiyanın “Qazeksport” Şirkətindən qaz alınması ilə əlaqədar yaxın günlərdə aparılacaq danışıqlarda qarşı tərəfdən 2004-cü ilin dekabrında bağlanmış müqavilənin şərtlərinə əməl olunması tələb ediləcəkdir. Həmin müqaviləyə görə, respublikamız 2006-cı ildə şimal qonşumuzdan qazın hər min kubmetrini 61 dollara almalıdır. Lakin son vaxtlar şirkətin rəhbərliyi qazın MDB ölkələrinə 100 dollardan artıq qiymətə satılacağını bildirmişdir. Bu, Azərbaycan hökumətini qane etmədiyi üçün və müvafiq razılaşma əldə olunmazsa, Rusiyadan qaz idxalının həcmi ya azaldıla, ya da dayandırıla bilər.
Bölmənin digər xəbərləri
