Rusiyanın RBK kanalı Azərbaycanın işğaldan azad edilmiş ərazilərindən reportaj yayımlayıb VİDEO
Bakı, 26 dekabr, AZƏRTAC
Rusiyanın RBK televiziya kanalının əməkdaşları işğaldan azad edilmiş Azərbaycan ərazilərindən reportaj hazırlayıblar.
AZƏRTAC xəbər verir ki, onların ilk yollandığı şəhər Ağdam olub. Rusiyalı jurnalistlər bildirirlər ki, burada yollarla hərəkət etmək olar, amma yol kənarına çıxmamaq tövsiyə edilir. Ətrafda minlərlə mina var. Ağdamda reportyorların diqqətini şəhərin demək olar ki, tamamilə dağıdılması çəkib.
Qeyd olunur ki, burada salamat qalmış yeganə bina Cümə məscididir ki, o da ciddi zərər görüb. Məscidin tezliklə bərpa edilməsinin planlaşdırıldığı vurğulanır.
Sonra Tərtər və Cəbrayılda olan telekanalın əməkdaşları oradakı dağıntılar haqqında da məlumat verirlər.
Bölmənin digər xəbərləri
