Rusiyaya genişmiqyaslı PUA hücumu olub
Moskva, 28 may, AZƏRTAC
Mayın 28-nə keçən gecə Rusiyanın hava hücumundan müdafiə sistemləri Ukraynaya məxsus 296 təyyarə tipli pilotsuz uçuş aparatını (PUA) məhv edib və ələ keçirib.
AZƏRTAC xəbər verir ki, bu barədə Rusiya Müdafiə Nazirliyi məlumat yayıb. Hücumlar Rusiyanın 13 vilayətinin, o cümlədən Moskva, Bryansk, Belqorod, Vladimir, Voronej, İvanovo, Kaluqa, Kursk, Oryol, Ryazan, Smolensk, Tver və Tula vilayətlərinin ərazilərində qeydə alınıb. Moskva vilayəti üzərində 40 ədəd PUA vurulub.
Zərbələr nəticəsində bir sıra infrastruktur obyektlərinə ziyan dəyib. Moskva vilayətinin Dubna şəhərində PUA-lar dron istehsal edən zavoda hücum edib. Zelenoqradda “Elma” texnoparkının binası vurulub. Çexov şəhər dairəsinin Troitskoye kəndində üç yaşayış binasına ziyan dəyib, lakin fövqəladə hallar xidmətinin vurğuladığı kimi, yerli sakinlər arasında xəsarət alan yoxdur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
