SABUNÇUDA ÖLÜMLƏ NƏTİCƏLƏNƏN YOL-NƏQLİYYAT QƏZASI BAŞ VERMİŞDİR

30.09.2006 [20:47]
Çap et
A⁺ A^-

AZƏRTAC xəbər verir ki, Sabunçu rayonu ərazisində İslam Kərimov “Mersedes” markalı avtomaşınla Səidə Əliyevanı və onun oğlu 2003-cü il təvəllüdlü Toğrulu vurmuşdur. Xəsarət almış S.Əliyeva və Toğrul xəstəxanaya yerləşdirilmişlər. S.Əliyeva orada ölmüş, uşağın vəziyyəti isə orta-ağırdır.

Bakı-Şamaxı yolunun Pirəkəşkül qəsəbəsi ərazisindən keçən hissəsində Qazaxıstan vətəndaşı Saidxan Axmedovun “VAZ-2107” və Mərdəkan qəsəbəsinin sakini Yusif İsmayılovun “VAZ-2106” markalı avtomaşınları toqquşmuşdur. Nəticədə ikinci nəqliyyat vasitəsinin sürcüsü və 3 sərnişin xəstəxanaya yerləşdirilmişdir, vəziyyətləri ağırdır.

Hər iki faktla bağlı cinayət işi açılmışdır, təhqiqat aparılır.