Şahmat üzrə dünya çempionu adı uğrunda ikinci partiya da heç-heçə nəticələnib
Bakı, 10 noyabr, AZƏRTAC
Londonda şahmat üzrə dünya çempionu adı uğrunda mübarizə davam edir.
AZƏRTAC xəbər verir ki, ikinci partiyada ağ fiqurlarla oynayan norveçli Maqnus Karlsen amerikalı Fabiano Karuana ilə heç-heçə edib. Şahmatçılar birinci partiyada da xalı yarı bölmüşdülər. Beləliklə, ilk iki oyunun nəticəsinə görə hesab bərabərdir - 1:1. Üçüncü partiya bazar ertəsi günü oynanılacaq.
Noyabrın 9-dan 28-dək davam etməsi nəzərdə tutulan yarış vaxta klassik üsulla nəzarət edilən 12 partiyadan ibarət olacaq. Hər iki partiyadan sonra bir istirahət günü planlaşdırılır. On iki partiyadan sonra hesab heç-heçə olarsa, tay-brek təyin ediləcək.
Bölmənin digər xəbərləri
