Şahmatçımız Şəhriyar Məmmədyarov Özbəkistanda beynəlxalq turnirdə iştirak edəcək
Bakı, 27 mart, AZƏRTAC
Martın 27-də Özbəkistanda rapid üzrə beynəlxalq turnirə start veriləcək.
Azərbaycan Şahmat Federasiyasından AZƏRTAC-a bildiriblər ki, yarışda Nodirbek Abdusattarov, Aleksandr Qrişuk, Rüstəm Kasımjanov kimi tanınmış şahmatçılar iştirak edəcəklər. Turnirdə ölkəmizi Şəhriyar Məmmədyarov təmsil edəcək.
Özbəkistandakı yarışın baş hakimi Azərbaycan Şahmat Federasiyasının birinci vitse-prezidenti Faiq Həsənov olacaq.
Qeyd edək ki, üç gün davam edəcək turnirin mükafat fondu 50 min ABŞ dollarıdır.
Bölmənin digər xəbərləri
