Şahruddin Məhəmmədəliyev UEFA Millətlər Liqasının ən yaxşı qapıçıları sırasında yer alır
Bakı, 23 sentyabr, AZƏRTAC
Futbol üzrə Azərbaycan millisinin oyunçusu Şahruddin Məhəmmədəliyev UEFA Millətlər Liqasının ən yaxşı qapıçıları sırasında yer alır.
AZƏRTAC xəbər verir ki, UEFA-nın statistikasına əsasən, Ş.Məhəmmədəliyev ən çox seyv edən qapıçılar sırasında 4-cü yeri tutur. O, 5 oyunda 17 dəfə top qaytara bilib.
İlk pilləni isə Qazaxıstan millisinin qapıçısı İqor Şatskix tutur - 5 matç, 21 seyv.
İkinci yerdə Antoni Moris (Lüksemburq, 5 oyun, 19 seyv), üçüncü yerdə Benyamin Byühel (Lixtenşteyn, 5 oyun, 18 seyv) qərarlaşıb.
İlk beşliyi İtaliya millisinin qapıçısı Canluici Donnarumma tamamlayıb (4 oyun, 16 seyv).
Bölmənin digər xəbərləri
