SİYASƏT
Şahsənəm İmaniyeva: Zəfər seçkisində seçicilərin yüksək fəallığını müşahidə etdik
Bakı, 7 fevral, AZƏRTAC
Azərbaycanın suverenliyinin tam bərpasından sonra keçirilən bu seçkilərin ölkəmizin bütün ərazisini əhatə etməsi tarixi hadisədir. Məhz bu xoşbəxtlikdən ilham alan xalqımız səsvermədə böyük ruh yüksəkliyi ilə iştirak etdi. Zəfər seçkisində seçicilərin yüksək fəallığını müşahidə etdik.
Bu sözləri 8 saylı Binəqədi seçki dairəsinin 28 saylı seçki məntəqəsinin müşahidəçisi Şahsənəm İmaniyeva AZƏRTAC-a açıqlamasında deyib.
Növbədənkənar prezident seçkilərində müşahidəçi kimi iştirak etməkdən xoşbəxtliyini bildirən Ş.İmaniyeva qeyd edib: “Məntəqədə seçici fəallığı yüksək səviyyədə oldu. Səsvermənin tam şəffaf keçdiyini müşahidə etdim, heç bir qayda pozuntusuna yol verilmədi. Bu seçkilərin xalqımıza və dövlətimizə uğurlu olmasını diləyirəm”.