Samuxda qanunsuz ov edən şəxs saxlanılıb
Bakı, 17 mart, AZƏRTAC
Samux Rayon Polis Şöbəsi əməkdaşlarının keçirdikləri müvafiq tədbirlər nəticəsində Gəncə şəhər sakini Rəşid Əsgərovun özünə məxsus və müvafiq icazə sənədləri olan “Valter” markalı tüfənglə Samux rayonu ərazisində çöl quşlarını qanunsuz ovlaması müəyyənləşdirilib.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki,
R.Əsgərov qanunvericiliklə müəyyən edilmiş qaydada saxlanılaraq rayon polis şöbəsinə gətirilib. Onun barəsində İnzibati Xətalar Məcəlləsinin 272-ci (Balıq və digər su bioresurslarının mühafizəsi və ov qaydalarının pozulması) maddəsi ilə protokol tərtib olunaraq, baxılması üçün aidiyyəti orqana göndərilib.
Bölmənin digər xəbərləri
