Şaxtalı hava şəraiti Bakıda və Abşeron yarımadasında fevralın 8-dək davam edəcəkdir
Bakı, 4 fevral (AZƏRTAC). Son günlər Bakıda və Abşeron yarımadasında müşahidə olunan temperatur rejimi çoxillik normadan 7-8 dərəcə aşağıdır.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a bildirmişlər ki, şaxtalı hava şəraiti gecə saatlarında Bakıda və Abşeron yarımadasında fevralın 8-dək davam edəcəkdir.
Havanın minimal temperaturunun (gecə) fevralın 5-6-da 3-6, bəzi yerlərdə 9 dərəcəyədək şaxta, fevralın 7-8-də 1-5 dərəcə şaxta olacağı gözlənilir.
Havanın maksimal temperaturu (gündüz) fevralın 5-də 0-3 dərəcə isti, fevralın 6-da 0 dərəcəyə yaxın, fevralın 7-də 1-4 dərəcə isti, fevralın 8-də isə 4-7 dərəcə isti olacaqdır.
Bölmənin digər xəbərləri
