SİYASƏT
Seçici: Ukraynada Azərbaycan vətəndaşları Zəfər seçkisinin sevincini yaşadılar
![Seçici: Ukraynada Azərbaycan vətəndaşları Zəfər seçkisinin sevincini yaşadılar](/files/2024/1/1200x630/17073214024445129790_1200x630.jpg)
Kiyev, 7 fevral, AZƏRTAC
Bu gün mən özümü şanslı seçici hesab edirəm, çünki Zəfər seçkisində səs verirəm. İlk dəfə olaraq bütün Azərbaycanda, işğaldan azad olunan ərazilərdə, o cümlədən Xankəndi və Şuşada səsvermə keçirilib.
Bunu AZƏRTAC-a açıqlamasında Ukraynada tanınmış onkoloq-cərrah Rahim Aslanov söyləyib.
“Fəxr edirik ki, ərazi bütövlüyü və suverenliyi tam bərpa olunan Azərbaycanın bütün guşələrində bu gün prezident seçkiləri keçirilir. Ukraynada da qalib ölkənin vətəndaşları qürur hissi ilə məntəqəyə gələrək səsvermədə iştirak etdilər”, - deyə seçici vurğulayıb.
O qeyd edib ki, Ukraynada müharibə şəraitinə baxmayaraq ölkənin uzaq bölgələrindən olan vətəndaşlarımız Kiyevə gələrək səsvermədə iştirak etdilər. Bu da Zəfər seçkisinin özəlliyidir. Ukraynada Azərbaycan vətəndaşları Zəfər seçkisinin sevincini yaşadılar.
AZƏRTAC-ın xüsusi müxbiri
Kiyev