Sədrin müşaviri: Bakı şəhərinin 81,7 faizi fasiləsiz su ilə təmin olunur
Bakı, 25 fevral, AZƏRTAC
Bakı şəhərinin və Bakı ətrafı qəsəbələrin fasiləsiz mərkəzləşdirilmiş su təchizatı sisteminin 2030-2035-ci ilə kimi tam 100 faiz təmin edilməsi Dövlət Proqramının Milli Strateji kursu kimi qəbul olunub və bu istiqamətdə layihələr işlənilib.
AZƏRTAC xəbər verir ki, bu barədə jurnalistlərə açıqlamasında “İri Şəhərlərin Birləşmiş Su Təchizatı Xidməti” PHŞ-nin İdarə Heyəti sədrinin müşaviri Aydın Abbasov deyib.
Onun sözlərinə görə, bu il Bakı şəhərində kanalizasiya kollektorlarında olan ciddi problemlərin aradan qaldırılması, yeni yağış kollektorlarının və xətlərinin çəkilməsi işləri sürətlə aparılır.
“Bu zaman tələb edən layihədir. Təsəvvür edin ki, 2006-cı ildə Bakı şəhərində əhalinin 26 faizi fasiləsiz su ilə təmin olunurdusa, hazırda bu rəqəm 81,7 faizdir”, - deyə sədrin müşaviri əlavə edib.
Bölmənin digər xəbərləri
