Səfər Qaraqoyunlu: Rusiyanın bəyanatı gecikmiş, lakin düzgün bir qərardır
İstanbul, 12 iyun, Günel Karatepe, AZƏRTAC
Rusiya Xarici İşlər Nazirliyinin rəsmi nümayəndəsi Mariya Zaxarovanın Qarabağın Azərbaycan torpağı olduğunu rəsmi şəkildə bəyan etməsi Azərbaycanla yanaşı Türkiyə və bütün Türk dünyasında məmnuniyyətlə qarşılandı. Bölgənin sülh və sabitliyə ehtiyac duyduğu bir dövrdə bu açıqlama mühüm və olduqca düzgün addımdır.
Bu fikirləri AZƏRTAC-a açıqlamasında Türkiyə-Azərbaycan Dərnəkləri Federasiyasının (TADEF) mətbuat katibi, İstanbul Türkiyə-Azərbaycan Həmrəylik və Mədəniyyət Dərnəyinin (İSTAD) sədri Səfər Qaraqoyunlu deyib.
O, bildirib ki, bölgədə sabitliyin təmin olunması üçün Zəngəzur dəhlizinin mümkün qədər tez açılması vacibdir. Bu mövzuda Ermənistan atdığı imzanın arxasında durmalı, Cənubi Qafqazda əmin-amanlıq və sabitlik təmin olunmalıdır.
Bölmənin digər xəbərləri
