Səfir: “Salome Zurabişvili Türkiyə-Azərbaycan-Gürcüstan əməkdaşlığının daha da gücləndirilməsi istiqamətində səylərini əsirgəməyəcək”
Tbilisi, 13 dekabr, AZƏRTAC
“Türkiyə, Azərbaycan və Gürcüstan arasında əlaqələr inkişaf edərək strateji tərəfdaşlıq səviyyəsinə yüksəlib. Düşünürəm ki, Salome Zurabişvili Gürcüstanın yeni prezidenti olaraq bu münasibətlərin əhəmiyyətini yaxşı anlayır və əməkdaşlığımızın hərtərəfli inkişafına mühüm töhfə verəcək”.
AZƏRTAC xəbər verir ki, bu fikirləri jurnalistlərə açıqlamasında Türkiyənin Gürcüstandakı səfiri Fatma Ceren Yazqan deyib.
Səfir bildirib ki, dövlət başçısının qadın və ya kişi olması önəmli deyil, onun səlahiyyətlərindən necə istifadə edəcəyi daha vacibdir. Xanım Zurabişvili təcrübəli diplomatdır və xarici işlər naziri olub. O, həmçinin bizim üçtərəfli formatda gördüyümüz işlərin əhəmiyyətini yaxşı anlayır.
“İnanıram ki, xanım dövlət başçısı səlahiyyətləri çərçivəsində bu əməkdaşlığın daha da gücləndirilməsi istiqamətində səylərini əsirgəməyəcək”, - deyə Fatma Ceren Yazqan vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
