Şəhidlərimizin adı müasir Azərbaycan tarixinə qızıl hərflərlə yazılıb
Bakı, 20 yanvar, Həsrət Mahmudova, AZƏRTAC
Yanvarın 20-də Şəhidlər xiyabanını ziyarət edənlər arasında gənclər üstünlük təşkil edirdi. Onlardan biri də Anar Hüseynov idi.
O, AZƏRTAC-a müsahibəsində deyib ki, hər il yanvarın 20-də Şəhidlər xiyabanına gələrək, Azərbaycanın müstəqilliyi uğrunda canlarından keçmiş qəhrəman vətən övladlarının xatirəsini yad edir.
A.Hüseynov bildirib ki, 20 Yanvar faciəsi qurbanlarının xatirəsi hər il olduğu kimi, bu il də xalqımız tərəfindən böyük ehtiramla anılır. Qanlı Yanvar qurbanları dövlət müstəqilliyimizin qazanılması yolunda ilk şəhidlərimizdir. Onların adı müasir Azərbaycan tarixinə qızıl hərflərlə yazılıb, xalqımızın yaddaşına əbədi həkk olunub.
Bölmənin digər xəbərləri
